YAWNG HPE HKAPTAU LA GA AI!

WELCOME TO WUNLI NINGGAWN !
:-


   
 
Main Menu
  Home
  My Notes
  Contact
  websites to Visit
  Map of Myanmar
  Link list
  Toplist
  My Calendar
  Guestbook
  Polls
  Newsletter

  My Notes
Nye a Lam :-



Sabaw Nan Tu Ngai na shingteng a mying gaw Nan Tu rai li ai. Htinggaw mying gaw Sabaw ni rai nga ai. Dai majaw ngai na Mying galu gaw Sabaw Nan Tu rai nga li ai. Amyu mying gaw Marip Htau Maja rai nga ai. Chyinghkai Wa a Mying gaw Salang Sabaw La Lung rai nna, Chyinghkai Nu a Mying gaw Salang Jan NJai Hka Raw(Yu Pang Maran Amyu Lakung)rai nga ma ai. Nye a Shangai ai shara gaw Dinghpang shadung ngu ai Dinghpang mare rai nga ai.


Makoi taw ai shangai Nhtoi:

(Nye a shangai ai shaning gaw 1968, October shata 3 ya, Laban hpang 2 ya  rai ang ai hku ka da lu ai hku re.) Raitim, Lamu kap shata gaw Guptung ta 30 ya re ai lam Chyinghkai Nu tsun dan ai majaw chye lu ai. Hpa majaw nga yang yi hkyen ai shaning shangai ai re majaw rai nga ai.

Jawng na hte maren shangai Nhtoi gaw 1974 ning, June Shata 18 ya rai nga li ai.

Maprat labau:


Ngai jawng nlung shi ai aten hta 1977 ning hta Yu Li hku hpe hkrum katut ai. Dai Yu Li hku ngu ai gaw Bum yi hkan na Mam hte Kaga Hkai nu hte Yagyi, Hkauya, Tsa lagaw ni yawng hpe Yu ni Uhpung hku du sa nna, sha shama kau ai hpe nga ma ai. Yu Li hku a majaw Jawng ni nhpaw mat nna, Jawng hpe aten dep nlu lung ai lam mung rai nga ai sha n-ga Bumga na re majaw mung asak kaba ai hpang she jawng lung ai rai nga ai. Ndan hte Lahpyaw ni hte nam hkan e u ni gap hkawm chye ai aten rai nga li ai.

Jawng Lung ai aten:


1980 ning hta, 3 ning, 300 (3/300), Masum ning, Masum tsa ni hpaw hpang ai Ginhtawng jawng ngu ai I, L, T, A, H, K---B, R, D, du hkra Jinghpaw Laika hti laika hpung nnan laika hpe sharin ya ai kaw lung hpang ai. Bai matut let 1980 ning hta sha, Dinghpang mare masha ni hku nna Jawng hpaw na hku zuphpawng hpawng la let Mare hku nna Up hkang ai Sumbu jawng ngu ai hpe hpaw a majaw, Hpung Nnan bai lung hpang nngai. Dai jawng hpe 3/300 kaw na Sara Kyeng Bawm hte Sara Lama Naw yan sharin hpang ya nna, Hpang de matut let, Salang Jan Sarama Nhkum Bu,Sara Shagam Gumja Li, Sara Samawng Awng hte Sara Jadup Naw ni matut manoi sharin ya ma ai.

1981-82 ning hta Dinghpang Sumbu Jawng kaw Tsang Langai hpe Lung la sai
1982-83 ning hta Hpatchyai Buga Hkalup Hpung ni hku nna Pinnga mare hta Sasana jawng hpe hpaw ma ai. Dai jawng kaw Tsang Lahkawng hpe lung la lu n ngai. Sharin ya a Sara ni gaw Sara Nhtat Htu Zau Gam hte Sara Saw Htoo le Dwe yan sharin ya ai rai nga ai.

1983-84 ning hta Dinghpang Sumbu Jawng kaw Tsang Masum hpe Lung La Lu nngai. Sharin ya ai Sara ni gaw Sara Samawng Awng hte Sara Jadup Naw yan rai nga ai. Jawngma gaw Ngai hte Samawng Ja Tu rai nna, Sanpoi kaba hpe Jahkyet Htingnan Tsang Mali Jawng kaw wa htai la lu ga ai.

1984-85 ning hta Hkyindu Yang mare Lapran Tsang Jawng kaw Lung la lu nngai. Sharin ya a shara gaw Sara Sabaw La,Sara Lahkyen Tu (Um dingsa mare) hte Ndup Zau Tawng (Htingnan mare) ni rai ma ai. Jawng A mying gaw Chyurum Gindai Jawng rai nga ai.

1985-86 ning hta Chyurum Gindai jawng hpe Htingnan mare de htawt ai hte maren Htingnan mare kaw Tsang manga hpe lung la sai.
1986-87 ning hta Chyurum Gindai jawng kaw sha Tsang Kru hpe lung la sai. 1987-88 ning hta Chyurum Gindai jawng kaw Tsang Sanit hpe lung la lu tim sanpoi nlu shang htai ai gaw, majaw a majaw rai nga ai.
1988 ning March Shata 31 ya shani Putao Myo kaw nna nbung hte Myitkyina Myo, Maisak wang, Njai Gam Awng a nta kaw du a shani rai nga ai.

1988 ning September shata daram hta Myitkyina nna Hpakant mare de Hpu Ji hte rau lung wa sai. Hpakant mare kaw laning mi daram lung seng htu let yi hkyen let nga nga nna Nammahpyit Htoi San Yang kahtawng na Hpuba a yi kaw kawa hte Langu si ni hkai ya let nga lai wa sai.

1989-90 ning hta Hpakant Myo kaw Jawng hpe Tsang Sanit kaw nna bai matut lung sai. 1990-91 ning hta Hpakant Myo Jawng kaw Tsang Matsat hpe lung la sai. 1991-92 ning hta Hpakant Myo jawg kaw Tsang Jahku hpe lung la sai. 1992-93 ning hta Mandalay VEC(Victory Education Centre) Kaw Tuition sha lung la nna B.E.H.S No. 12. Mandalay kaw Tsang Shi Sanpoi hpe htai la nna, Tsang Shi San Poi hpe awng la lu sai.

1995 Ning kaw nna, Mandalay Dakkasu kaw First year Zoology hpe lung la sai. 1996 Ning hta Second year hte Third Year lung ai raitim, Third year sanpoi hpe n htai shi yang, Dakkasu jawng ni pat da ra mat ai majaw, Third year sanpoi hpe Myitkyina B.E.H.S No.3 hta she wa htai la lu ai hku rai nga ai.

2000 hpring ai ning hta final Year hpe matut lung la ai hte December shata 2000 hta final Yadanabon Dakkasu kaw sanpoi bai htai shangut la lu sai.

B.Sc.  Jan Mau hpe gaw 2002 January 5 ya shani Mandalay Dakkasu kaw nna la lu sai rai li ai. 

 

Computer Hpaji hkaja hpang ai lam: -

 

 1996 kaw nna, KMD Manday kaw, Power Windows 3.11 hpe lung hpang sai. Dai hpang Windows 95 hte lotus 1,2,3 hte  Pange Maker 6.5 hte Computerized Accounting Software  ni hpe lung hpang sai. Dai Course ni hpe gaw Dakkasu Jawng pat ai ten ni hta lung la lu ai rai nga li ai.

 

1997 ning hta LCCI Level I,II,II ni hpe shata kru lung sai hte sai poi hpe mung FEC 90 bang nhtawm sanpoi hpe level shagu hta hkying hkum manga tup htai ra ai rai nga ai. Dai hpe htai awng la lu sai. Ndai LCCI gaw Accounting hte seng ai lam n nga ai.  Word/Text Processing Course sha rai nga mali ai.  Rung Laika kayet ai hte seng ai course sha rai nga ai. Dai course hpe Microsoft Word kaw kayet ai hpaji ni sha naw rai nga ai.

 

1998-1999    hta MCC Mandalay kaw, IDCS- International Diploma in Computer Studies hpe lung la, San poi htai la nna, Credit hte awng la lu sai. San poi hpe NCC-National Computing Center UK kaw nna Questions ni re ai hte NCC-UK kaw nna, San jep ya ai rai nga ai the FEC 300. Exam fees jaw ra ai rai nga ai.

1999-2001 hta KMD Yangon kaw IADCS-International Advanced Diploma in Computer Studies hpe lung la lu sai.  Ndai mung FEC 300. Exam fees jaw ra ai rai nga ai. 

 

2001-2003 hta KMD Yangon kaw sha B.Sc.,[ Hons], Computing and Information Systems rai nhtawm LMU-London Metropolitan University kaw nna Course rai nga ai. Ndai San poi hte htai na matu FEC 600 Exam fees bang ra ai rai nga ai. 

Subject Kru hku nna sanpoi htai ra ai hta Network Management and Security and Communication Management, Data Modeling and Database Systems and Structured Systems Analysis, Object-Oriented Analysis and Design and Software Engineering 1 ni hpe sha ngai hta awng la lu sai. Kaga  Human-Computer Interactions hte Advanced Database Systems system ni rai nga ai.

 

2004 kaw nna, Yangon Myo kaw nta de Computer Basics Course ni hpe nta du hkra sa sarin ai masing hte sharin tution ni jaw hkawm hpang wa sai.

 

2004-2005 ning hta, M.Y. Associates Co., Ltd-Yangon kaw Project gabaw : Vehicle Control Database Systems hte Programmer hku nna, shata kru daram manang langai mi shaga ai hte ka karum sai raitim, dai hta shata shabrai nsha lu ai hku rai nga ai. Ndai gaw mahkum madup la ai hku sha rai sai.

2008 ning June hte July shata laman hta lawu na  ga baw ni hte WFP-World Food Programme kaw amu galaw karum ai gaw shani shabrai hku rai nhtawm lani mi FEC 5 hte bat masum galaw sai.

 

(i)-Data Entry Volunteer at WFP Depart: Yangon Office (5 to 20 June, 2008)

(ii)-Data Entry and Data Cleaning Voltr:-WFP  Yangon Office (3-11 July, 2008)

 

2008 ning hta August Shata hta, INGO rai nga ai Malteser Internatianal kaw Database Administrator/Statistician post  hpe shawk yu ai shaloi, 2008 ning August shata praw mali hta Interview shang nhtawm, August shata 11 ya kaw nna WSR -2 _Wa Special Region 2, Pang Kham mare, Dingdung Sam mung, Malteser Internatinal kaw Ndai Position hte amu lu ai lam rai nga li ai.

 
Ya 2009 August 11 ya shani hta gaw Malteser International kaw Database Admin hte amu lu galaw ai laning mi hpring sai rai nga ai. 
2010 August 11 ya shani hta Malteser International kaw Database Admin hte amu lu galaw ai gaw lahkawng ning hpring ai majaw, Loyalty Bonus hpe lu la sai shani rai nga ai.
Bai nna, 2011 August 11 ya shani gaw Malteser International kaw Database Administrator galaw ai masum ning hpring sai rai nga ai. 2012 August 11 ya shani Malteser International kaw Database Administrator galaw ai mali ning hpring sai rai nna Tachileik rung de htawt galaw ai gaw shata mali na sai.



 


 
Your Comments
 


How do you like the page?
I like website links!
I donnot like this website!
Website is not good!

(View results)


Yangon Time [Analog]
 
Myanmar Time [Analog]
 
BEJEING TIME [China]
 
My Calendar
 
 


LAJANG AI: SABAW NAN TU
:-
This website was created for free with Own-Free-Website.com. Would you also like to have your own website?
Sign up for free